Ibizo ihlanganyela libuya ebizweni hlanganyela elitjho ukusebenzisana kokufeza umnqopho. Umnqopho ohlanganisa abantu kungaba nanyana ngiyiphi into ehlanganisa abantu kobana babulunge imali, bakhe izindlu nofana bakhe amabubulohlanganyela anikela ngomsebenzi emalungwini wehlanganyela.
Ihlanganyela kutjho abantu abazijameleko abahlangene ngokuthanda kwabo kobana bahlangabezane neendingo zomnotho, zomphakathi namasiko nangomnqopho wokuhlanganyela ubunikazi bebubulo nokulawula ibubulo ngentando yenengi nokusebenza ngekambiso yehlanganyela.
Khuyini uMahluko phakathi kwebubuloHlanganyela neKampani
Ibubulohlanganyela lihlelwe kobana lisebenzele amalungwalo. E-Sewula Afrika lelihlelo linikela ngomsebenzi emalungeni webubulohlanganyela. I-Kampani ihlelelwe ukukhiqizela amalungwayo inzuzo ingasi ukunikela umphakathi umsebenzi.
Ibubulohlanganyela yihlangano elawulwa malunga wayo ngendlela yentando yenengi. Lokhu kutjho bonyana ubujamo bomsebenzi, imirholo kunye neenqunto zebubulo kuthathwa basebenzi. Ikambiso yehlanganyela kukobana ilunga linye livowuda kanye nakuthathwa isiqunto.
Ekampanini yangeqadi, nanyana kunjalo, umnikazi unelawulo lokobana abasebenzi bangaphathwa njani begodu uthatha zoke iinquntu zebubulo. Ekampanini yomphakathi babelani bamatjhere abalawula ukuthathwa kwenqunto ngekambiso yokobona nawunamatjhere amanengi ungavowuda kanengi.
Ekampanini abanikazi bebubulo bazenzela inzuzo. Bebathanda ukuphila kweminye imiphakathi. Lokhu kutjho bonyana imali abayenza ebantwini ayibuyeli ebantwini begodu iyathathwa isiwe kezinye iinarha. Amabubulohlanganyela ajamisa ukuphuma kwemali emphakathini ngombana abasebenzi babelana ngenzuzo ngokulingana. Ngebanga lokobana abasebenzi bahlala nomphakathi bebasebenzisa imali leyo emphakathii ebahlala kiwo lokho kwenza umphakathi onamandla.
Ngebanga lokobana Abasebenzi balawula ibubulo ngentando yenengi bebazikhethela abaphathi phakathi kwabo, abaphathi baqalene nabasebenzi begodu angeze badlala ngabasebenzi njengobana kwenzeka ekampanini. Abasebenzi bayathuthukiswa kilelihlelo ngombana bathatha iinquntu endaweni yomsebenzi.
I-kampani libubulo elinqophe ukwenzela abantu abambalwa inzuzo. Lokhu kanengi kutjho bonyana abasebenzi bayadilizwa emisebenzini neendawo zokusebenzela ziyavalwa nangabe inzuzo ayingeni ngokwaneleko ebanikazini bekampani nofana nangabe abanikazi bekampani babona ngathi bangenza inzuzo ndawana thile. Ibubulohlanganyela, ngakwelinye ihlangothi, lenzelwe ukunikela umphakathi umsebenzi. Abanikazi babasebenzi abahlala kilowo mphakathi begodu angeze bavala ibubulo bakhambe boyokwenza inzuzo ndawana thile.
AmaBubulohlanganyela ephasini mazombe alandela imithethokambiso elikhomba:
AmaBubulohlanganyela ziinhlangano ezizinikelako- akekho okatelelwe kobana ajoyine omunye. AmaBubulohlanganyela avulelwe abantu boke abazakukhgona ukusebenza nabafuna ukuzibophelela emsebenzini wobulunga babo. Akungabi nebandlululo lobulili, bomphakathi, bobuhlanga, bezombanganarha nofana bezekolo.
Ukulawula kwelunga ngendlela yentando yenengi
AmaBubulohlanganyela ziinhlangano zentando yenengi ezilawulwa malunga wazo. Amalunga ayazibandakanya mayelana nemithetho-migomo nokuthathwa kwenqunto. Ibubulohlanganyela lingakhetha amanye amalunga kobana abemalunga weenkomidi ezithile nofana benze eminye imisebenzi. Kusesenjalo, amalunga lawo kumele aphendule imibuzo ebuzwa ngamanye amalunga. kufanele basebenzele ibubulohlanganyela bebabikele amanye amalunga ngemisebenzi yabo abayenzako.
Omunye nomunye ebubulwenihlanganyela unelizwi elilingana nelabanye- ilunga linye, ivowudi yinye. Akunasidingo sokobana ilunga linamatjhere angangani, yibhizinisi engangani ilunga eliyenzako nebubulohlanganyela, nofana kuqalwe kobana ilunga lenza umsebenzi ongangani. Elinye nelinye ilunga linelizwi elilingana nelamanye nakuthathwa iinqunto ezikulu.
Ukuzibandakanya kweLunga kwezomnotho
Umnqopho oqakatheke khulu webubulohlanganyela kunikela imisebenzi emalungwenayo. Umnqopho webubulohlanganyela kuthengisela amalungwayo iinsetjenziswa ngemali ephasi, nofana ukwakhela amalunga amathuba wemisebenzi. Iimfuno zamalunga zikhamba phambili. Amalunga webubulohlanganyela angafuna ukukhangisa imikhiqizo yawo ngenani lentengo ephasi; bangafuna ukuthenga ipahla ngentengo ephasi; nofana bangafumana imalimboleko ngenani lenzuzo ephasi.
Omunye nomunye umsebenzi owenziwa libubulohlanganyela awenzelwe amalunga wayo. Isibonelo, umkhangiso weplasa lehlanganyela kumele ukhangise iintjalo nofana ifuyo ekhiqizwa malunga wehlanganyela, ingasi omunye umuntu ongasililunga lebubulohlanganyela. Imitjhini yokuthunga ekungeye bubulohlanganyela ekulibubulo lokuthunga kumele isetjenziswe malunga ingasi abantu abangasiwo amalunga wehlanganyela.
Amalunga ayanikela ngeemali nakusungulwa ibubulohlanganyela bebalawula neendaba zomnotho zebubulohlanganyela ngentando yenengi iMali yimali kunye neesetjenziswa zokufeza umnqopho webubulo. Amabubulohlanganyela angafumana imali yokuthoma ibubulo emalini yamatjhere enikelwa malunga, imali ebhadelelwa ubulunga, isizo likarhulumende, iminikelo, amalimboleko nemali eseleko onyakeni ogadungileko.
Okhunye (nakwenzeka yoke) Imali ibubulohlanganyela eliyisebenzisako ingeyamalunga, ngendlela yamatjhere kunye namatjhere wokuthokozwa. Elinye nelinye ilunga litjala imali begodu lifumane inzuzo yamatjhere. Amatjhere akhombisa bonyana ilunga lingomunye wabanikazi bepahla (Imali kunye nepahla) yehlanganyela. Enye imali amabubulohlanganyela ayisebenzisako ingeyebubulo yoke.
Nangabe ibubulohlanganyela linemali eseleko nasele libhadele iinkolodo kunye nentela belinikele nenzuzo emalungwenalo. Lokho kubizwa ngokuseleko . Esikhathini esinengi imali eseleko isetjenziselwa ukuthuthukisa ibubulohlanganyela. Isibonelo, ibubulo hlanganyela lihlela ukuba nemali ezalako ezakusetjenziselwa ukukhulisa nokuthuthukisa ibubulohlanganyela nofana imisebenzi eyenzelwa amamalunga wayo.
Nakwenzeka, kube nemali engezelelweko esalako, kutjho bonyana (Abasebenzi bebubulohlanganyela) imirholo yabo izakuba mikhudlwana namkha (ekusebenzeni kwebubulohlanganyela) inani namkha imali ebhadelwako beyiphezulu. Kilelihlangothi imali eseleko ingabuyiselwa elungeni, nofana isetjenziswe ukusekela eminye imisebenzi evunywe malunga.
Enye nenye imali eseleko ebuyiselwa emalungeni kumele kwabelwane ngayo ngendlela ilunga linikele ngayo emalini eseleko. Ibubulohlanganyela lepahla edliwako, isibonelo, lingabuyisela ingcenye yokudla okuseleko emalungeni ngokulinganiswa kwentengo eyenziwe lilunga ekukhambeni konyaka.
Ukuzijamela
Amabubulohlanganyela ziinhlangano ezizirhelebhako nezizijameleko ezilawulwa malunga wazo. Bangenza isivumelwano norhulumende kunye nezinye iinhlangano, kodwana kumele benze isiqiniseko sokobana ngasosoke isikhathi balawulwa yindlela yentando yenengi ekungeyamalunga. Akukafaneli balawulwe ziinhlangano zangaphandle.
iFundo, ibandulo, nelwazi
Ibubulohlanganyela kufanele linikele amalunga walo ifundo kunye nebandulo, eemphathisweni ezikhethiweko, ebaphathini kunye nabasebenzi. Kufanele lifundise amalunga walo mayelana nokuPhathwa kwebubulohlanganyela, amalungelo nemisebenzi yobulunga, kunye nemisebenzi eyenziwa libubulohlanganyela. Woke amalunga webubulohlanganyela kumele athuthukiswe ngelwazi lomsebenzi kobana bakwazi ukufaka isandla ekuthuthukisweni kwebubulo. Begodu kufanele banikele ngelwazi emphakathini mazombe mayelana namabubulohlanganyela nangendlela asebenzangayo.
UkuKhathalela umphakathi
Amabubulohlanganyela asebenzela ituthuko edzimeleleko emiphakathini. Iinquto zithathwa malunga, kodwana amalunga kumele aveze ukukhathalela ukuthuthukiswa komphakathi lokho kungasiza omunye nomunye.
Umthetho awukabeki umkhawulo mayelana neenhlobo zamabubulo ezingatloliswa.
Lokhu ngokhunye okungenzeka:
Ibubulohlanganyela lokulima libubulo elikhiqizako, neliza neendlela zelimo nofana elikhangisa imikhiqizo nelinikela ngamazizo wokulima kunye neesetjenziswa emalungwenalo.
Ibubulohlanganyela labathengi libubulo elifumana nelinikela ngokudla emalungenalo kunye nalabo ekungasimalunga, begodu lisebenzela amalungwalo. Ibubulohlanganyela lithenga ukudla ngobunengi belikuthengisele amalunga walo nomphakathi belithengisele amalungwalo ngemali ephasi namkha libuyisela imali emva ngendlela abavumelene ngayo njengesibonelo sebubulohlanganyela labathengi.
Amabubulohlanganyela akhangisako nathengisako mabubulo anikela ilwazi nemikhiqizo emalungeni begodu ayakhangisa nofana benza imikhiqizo yabo. Isibonelo kulibubulo hlanganyela elithungako elinikela ngamatjhila nemitjhini yokuthunga emalungwenalo begodu bakhangise ipahla ebayithungako. Lomkhakha godu ufaka hlangana amabubulo hlanganyela wokukhangisa zelimo kunye nokuthengisa.
Ibubulohlanganyela lomphakathi libubulo elingenzi inzuzo elinikela ngemisebenzi yomphakathi emalungwenalo, njengokuthlogomela abantu abadala, abentwana nalabo abagulako.
Ibubulohlanganyela elibulungako libubulo elinikela ngokubulunga abahlongakeleko, kufaka namantjhorense womngcwabo kunye neesentjenziswa ezifunekako, emalungeni kunye nalabo abondlwa malunga.
Ibubulohlanganyela leensetjenziswa zomphakathi libubulo elinikela ngezindlu, ukutlhogonyelwa kwamaphilo, ukuthlogonyelwa kwabentwana, iinthuthi, ukuthintana, kunye neminye imisebenzi.
Ibubulohlanganyela labasebenzi libubulo lesigaba sokuthoma elinikela amalungalo umsebenzi, namkha libubulo lesigaba sesibili elisebenzela amalunga wehlanganyela yabasebenzi.
Ngaphambi kobana ibubulohlanganyela lenze isibawo sokutlolisa, kufanele kube nomhlangano munye wabantu abanekareko ngaphambi kobana benze isibawo. Abantu abakhona kilowo mhlangano kufanele bavumelane ngomthethosisekelo webubulo hlanganyela bebakhethe nabanqophisi bokuthoma bebubulohlanganyela.
Emva komhlangano, isiqhema kufanele sikhambise isibawo sokutlolisa emtlolisini wamabubulohlanganyela. Isibawesi kufanele senziwe eforomeni langokomthetho elitholakala e-ofisini yomtlolisi. Inani lamalunga elifanele ukusekela isibawo liyahluka ngendlela yemikhakha ehlukeneko yamabubulohlanganyela:
Amabubulohlanganyela wesigaba sokuthoma- Linani labantu abahlanu
Ibubulo hlanganyela wesigaba sesithathu- Mabubulohlanganyela amabili
Amalunga wamabubulohlanganyela wesigaba sesibili kungaba babantu abasemthethweni njengehlangano kunokobana kube muntu munye. Abantu abasemthethweni siqhema esinamandla womthetho alinganana newomumtu woke njengelungelo lokutlikitla isivumelwano nokuletha amacala wekhotho.
Isiqhema kufanele silethe leziincwadi eMtlolisini ezikhambisana nesibawo:
Umthetho sisekelo webubulohlanganyela, otlikitlwe malunga enze isibawo sokutlolisa ibubulo lehlanganyela ( amalunga abasunguli )
Irherho lamabizo wamalunga abasunguli,
Irherho lamabizo wabanqophisi,
Imali yokutlolisa, nesiqiniseko sokobana imali yokutlolisa ibhadelwe
Imali yokutlolisa ihlelwe Mthetholawulo esigabeni 1 no 6 soMthetho wamaBubulo hlanganyela.
UkuTlolisa
Nangabe isibawo sihlangabezana nazo zoke iimfuno zomthetho wamabubulohlanganyela.
Nangabe ibizo eliphakamisiweko lebubulo lehlanganyela lilandela imilayo yebubulo hlanganyela emabizweni wamabubulohlanganyela.
Nangabe uMtlolisi wanelisekile kobana isibawo sihlangabezana nayo yoke imibandela, Umtlolisi uzakunikela ibubulohlanganyela isitifiketi esinenomboro etlolisiweko. Nangabe ibubulo selitlolisile, libasemthethweni . Lokhu kutjho bonyana ibubulo linamandla womthetho njengezinye iinkampani nezinye iinqhema ezifana nalo ibubulwelo.
Kungenzeka, Isibonelo, ibubulo lizakuragela phambili nanyana amalunga webubulo ahlala atjhuguluka. Lingavula i-akhawundi yebhanka libe nenarha kunye nepahla. lingatlikitla iimvumelwano belizijamele emacaleni wekhotho. Njengebubulo elisemthethweni ibubulo lizakuba namalungelo afana newabantu boke.
Ngaphambi kobana isiqhema sizitlolise njengebubulohlanganyela, alinawo amandla. Nangabe umuntu ujamele ibubulohlanganyela begodu utlikitla isivumelwano ebizweni lebubulohlanganyela ngaphambi kobana ibubulo litlolise, lomuntu lowo uzakujamela yoke into eyenzekako. Kusesenjalo ibubulohlanganyela lingamukela isivumelwaneso kungakapheli inyanga emva kokutlolisa nasele kuthethwe isiqunto emhlanganweni omkhulu. Nangabe ibubulohlanganyela lamukela isivumelwano ngaleyo ndlela, ibubulo hlanganyela liyazibophelela begodu umuntu otlikitlwe isivumelwano akasabotjhelelwa sivumelwaneso.
Kufakwe nabantu abanzima, aboMma. abantu abatjha, abantu abahlala emaplasini, aboMma namkha abantu abakhubazekileko,
GODU
Nokuthuthukiswa ukulingana nokuzibandakanya kwamalunga.
Elinye nelinye ibubulohlanganyela kufanele libe nebizo elihlukileko kamanye amabizo wamabubulohlanganyela .UMtlolisi wamabubulohlanganyela angeze aphasisa ibizo elifana nebizo lelinye ibubulohlanganyela lokho kungenza ukuhlangahlangana.
Ibubulohlanganyela kufanele lifake ibizolalo kizo zoke iimvumelwano, iinrasidi, iincwadi zebubulo, zokuthengwa kwepahla kunye nezinye iincwadi ezisemthethweni. Ibizo lebubulohlanganyela alithunyelwe esiphandeni lapho lisebenzela khona. Amabubulo wesigaba sesibili nesesithathu akakhombise kobana amabubulo wesigaba sesibili nofana sesithathu eencwadini zabo zoke ezisemthethweni.
Ibizo lebubulo lesigaba sesibili nofana lesesithathu kufanele liveze kuhle umsebenzi ohlathululwe emthethwenisisekelo webubulohlanganyela. Isibonelo, ibubulo lesigaba sesibili elisebenza ngezindlu angeze lazibiza ngebubulo lesigaba sesibili elisebenza ngokubulungwa kwemali kunye neenkolodo.
Nangabe Ibubulohlanganyela alithathi imilayo ngaphambi kokuphela kwamalanga ama-60, Umtlolisi angakhupha isitifiketi setjhuguluko esinebizo elitjha lebubulohlanganyela bekatjhugululwe nomthethosisekelo kobana kubonakale itjhuguluko. Nangabe lokhu kuyenzeka uMtlolisi uzakuhlela isaziso somphakathi ngokutjhugululwa kwebizo.
Akekho namunye nofana Isiqhema ngaphandle kwebubulohlanganyela esingakhombisa ngandlelathile kobana siragela phambili ngomsebenzi webubulohlanganyela elitlolisiweko. Kubulelesi ukwaphula lemibandela.
Ilwazi elinabileko lingafunyanwa ngalendlela elandelako:
Umtato: 441 1318
UMZIMKHULU
ISIFUNDA N0 YOMTATO NO- YEFEKSI ISIPHANDE
